ថ្មីៗនេះ​ កីឡាករ​ Gary​ Neville​ បាន​សារភាព​ថា​ តាម​បទ​ពិសោធន៍​របស់​គាត់​គឺ​ កីឡាករ​ Paul​ Scholes​ ពិតជា​លេង​បាន​ល្អ​ជាង​កីឡាករ​ Cristiano​ Ronaldo​ ។​ កាលពី​ស​ប្តា​ហ៍​មុន​នេះ​ Neville​ បាន​អង្គុយ​និយាយ​គ្នា​ជាមួយនឹង​កីឡាករ​ Ronaldo​ ពី​ពេលវេលា​ដែល​ពួក​គេ​បាន​លេង​បាល់​ជាមួយ​គ្នា​កាល​នៅ​ Old​ Trafford​ ពិសេស​សាច់​រឿង​ថ្មី​របស់​ Ronaldo​ ដែល​បង្ហាញ​ពី​អាជីព​ការងារ​បាល់ទាត់​មិនធម្មតា​របស់​គាត់​ក៏​ត្រូវ​បាន​ ចែកចាយ​នៅ​ពាសពេញ​ពិភពលោក​ផង​ដែរ​។

​​

Neville ​ ពិតជា​មានការ​ភ្ញាក់ផ្អើល​ជាមួយនឹង​សមត្ថភាព​លេង​បាល់​ និង​ទេព​កោសល្យ​របស់​កីឡាករ​ Cristiano​ Ronaldo​ នៅ​អំឡុង​ពេល​ដែល​គាត់​លេង​នៅ​ Man​ Utd​ ប៉ុន្តែ​បើ​តាម​ជំនាញ​វិញ​គឺ​មិន​អាច​យកឈ្នះ​កីឡាករ​ Paul​ Scholes​ បាន​នោះ​ទេ​។​ ក្រោយមក​ ក្លឹ​ប​ Real​ Madrid​ បាន​ចំណាយ​លុយ​ 80​ លាន​ផោន​ដើម្បី​ទិញ​កីឡាករ​រូប​នេះ​ទៅ​លេង​នៅ​ក្លឹ​ប​របស់​ខ្លួន​។

​កាលពី​អតីតកាល​ ក្លឹ​ប​ Manchester​ United​ គឺ​មិនធម្មតា​នោះ​ទេ​ព្រោះ​មាន​កីឡាករ​ Eric​ Cantona,​ David​ Beckham,​ Ryan​ Giggs,​ Wanye​ Rooney​ និង​ Ronaldo​ ជាដើម​។​ Neville​ បាន​ដាក់​ឈ្មោះ​ Scholes​ ថា​ “​លេខ​ ១​ លេង​បាន​ល្អ​បំផុត​ដែល​ខ្ញុំ​ធ្លាប់​ជួប​នៅ​ក្នុង​ជីវិត​របស់ខ្ញុំ​។​ កីឡាករ​ជា​ច្រើន​ទទួល​បាន​កេរ្តិ៍ឈ្មោះ​បោះ​សំឡេង​ដោយសារ​តែ​រក​គ្រាប់​បាល់ ​បាន​ច្រើន​ ហើយ​ពេល​នោះ​ Paul​ ពិតជា​លេង​បាន​យ៉ាង​ល្អ​ និង​រក​គ្រាប់​បាល់​បាន​ច្រើន​ផង​ដែរ​។​ របៀប​នៃ​ការ​លេង​ ការ​បញ្ជូន​ និង​ការ​គ្រប់គ្រង​បាល់​របស់​ Paul​ Scholes​ គឺ​ពិតជា​មិន​គួរ​ឱ្យ​ជឿ​៕”

​ប្រភព​៖​ mirror​ , sportkh